|
|
 In injunta pon ciafè le Program 2017 dl Fotoclub Val Badia. Ulache an vëiga le calënder dles proieziuns y l’program general (cursc, gites, concurs dl Fotoclub Val Badia 2017). Por udëi le program drüca: Program_2017_Fotoclub_Val_Badia.pdf |
|
|
|
|
 Cun le 2017 el ste na mudaziun tl Cunsëi dl Fotoclub. Paul Erlacher dô da 13 agn che al á fat pert al Cunsëi al messé dè jö la enciaria por mancianza de tëmp. Deache al é ince tl Cunsëi dla Lia da Munt ne al nia plü cis tëmp por curí trames dös les posiziuns. A Paul ti dijun en bel giulan por düt le impëgn che al é metü ite tl Fotoclub y ti augurun buna fortüna cun la nöia enciaria.
Moling Rudi se á metü a disposiziun y tol insciö le post de Paul tl Cunsëi. Rudi é bel da en grüm de agn apascionè de fotografia y á esperiënza tl monn dla fotografia. A Rudi ti dijun en bel giulan dla enciaria tuta sö y ti augurun ince bona fortüna y suradüt sodisfaziun.
|
|
|
|
|
La Junta provinziala á aprové i criters nüs por la conzesciun de aiüt por la gestiun dles malghes dl Südtirol en aplicaziun dl regolamënt europeich dl 2014.
|
|
|
|
|
|
A San Martin él gnü daurí la mostra dl Fotoclub Val Badia dal tema "blanch y fosch". Ara restará daverta cina ai 25 de novëmber. Al é ince gnü premié i davagnadus dl concurs. I pröms trëi posć é de Karin Pizzinini, Helmut Elzenbaumer y Samuel Debon.
Fotografia - Al é bele tradiziun che le Fotoclub Val Badia organisëia na mostra da d'altonn tla sënta dl Istitut Ladin Micurá de Rü, olache an pó odëi les posiziuns tl ciamp dla fotografia di apascioná de nosta val y foradecá.
|
|
|
|
|
|
Düć é dër bel inviá ala mostra de fotografies y premiaziun por le concurs 2016 dl Fotoclub Val Badia. Le tema de chësc ann é sté "Blanch y fosch".
Se incuntun ai 12 de Novëmber 2016 a San Martin, dales 18:00 tl salf dl Istitut Ladin. La mostra restará daverta cina vëndres 25 de Novëmber tratan i orars dl Istitut: lön. - jöb. (10.00 - 12.00) - (15.00 - 17.00) y vën. (10.00 - 12.00).
Al sará ince val da mangé y da bere.
|
|
|
|
|
|
|
| Plata 16 of 49 |
