|
|
|
En colaboraziun danter Fotoclub y Raiffeisen Val Badia él nasciü le calënder 2020 cun le tema vërt. Le calënder é da ciafé tles sëntes dla Raiffeisen tla Val Badia y les 12 plates cun de beles fotografies se acompagnëia spo fora por l'ann.
Le presidënt, le consëi y i mëmbri rengrazia la Cassa Raiffeisen Val Badia por la buna colaboraziun y le sostëgn y ti aoda a düc n Bun Ann 2020 de fortüna y sanité.
|
|
|
|
|
|
La iuria é indô gnüda cherdada ite por chirí fora les fotografies, y an pro dagnora da moscedé les porsones, ares ne dess nia fá pert dl medemo ciamp, deache al dess nasces na discusciun canche an chir fora les fotografies. Chёsc ann ál fat pert dla iuria Norbert Scantamburlo (presidёnt dl fotoclub da Bornech), Sepp Hackhofer (ex-presidёnt dl Strix), Castlunger Ivan, Carlo Dapoz y le graficher y artist Edmund Nagler. Chisc á messü chirí fora danter plü de 76 fotografies y les plü beles é spo gnüdes tutes por la mostra. 10 fotografs é gnüs premiá pro la daurida dla mostra, mo a düc ti val n gran complimёnt, ai s'á dёr porvé! Les fotografies sará spo da odёi te internet sön la plata dl fotoclub Val Badia.
|
|
|
|
|
 Fotografia é na pasciun, emoziun y vijiun, y spo depёndel dal fotograf ci che al é bugn da fá adinfora. Cun chёstes püces parores pon capí ciudí che le fotoclub Val Badia festejëia cun ligrёza i 20 agn dla uniun tla sёnta dl Istitut Ladin a San Martin de Tor. Te chёsta ocajiun s'ál presenté tröc fotografs che fej y á fat pert dl fotoclub.
|
|
|
|
|
|
Ai 10.10.19 á metü man le Fotoclub Val Badia á recordé i 20 agn de ativité cun la proieziun dl fotograf Alfred Erardi sura les tecnologies, i sun passá dal analogh al digital. Te chësta ocajiun él sté na picia mostra sura i aparac da inlaota.
En gaujun dla festa di 20 agn él ince gnü scrit fora n concurs y la iuria metüda adöm da Norbert Scantamburlo (presidёnt dl fotoclub da Bornech), Sepp Hackhofer (ex-presidёnt di Strix), Castlunger Ivan, Carlo Dapoz y le graficher y artist Edmund Nagler á chirí fora les fotografies che gnará mostrades a San Martin.
INVIT:
|
|
|
|
|
Le fotoclub Val Badia á le plajёi de Ves invié, en jöbia, ai 10.10.2019, dales 20.30, tl Istitut Ladin "Micurá de Rü" a San Martin de Tor, a na proieziun de fotografies dl ftograf Alfred Erardi.
Por la festa di 20 agn dl fotoclub Val Badia sarál Alfred Erardi che jará zoruch tla storia dla fotografia y se mostrará na proieziun cun dui proietadus dal titul "N var zoruch tl analogh 6x7!" An podará odëi sciöche le monn dla fotografia è cambiada y sciöche i fotografs se adatëia ala tecnica (al gnará mostré aparac vedli).  Dan la proieziun sarál la lita dl consëi nü y düc é dër bel inviá! I presënc ciafará na scincunda dal Fotoclub Val Badia!
Le team dl fotoclub s'la inconforta da podëi Ves saludé dala sëra dla proieziun!
Ai 04.10.2019, dales 20.30, sarál Theo Bosboom che tignará n referat tl Auditorium Erika Volgger (Schwesternau 1) a Porsenu.
Düc chi che é interessá po ciafé informaziuns y se lascé scrí ite al workshop sot al numer 0474 565177 (
This e-mail address is being protected from spambots. You need JavaScript enabled to view it
). |
|
|
|
|
|
|
| Plata 11 of 53 |
