 Fotografia é na pasciun, emoziun y vijiun, y spo depёndel dal fotograf ci che al é bugn da fá adinfora. Cun chёstes püces parores pon capí ciudí che le fotoclub Val Badia festejëia cun ligrёza i 20 agn dla uniun tla sёnta dl Istitut Ladin a San Martin de Tor. Te chёsta ocajiun s'ál presenté tröc fotografs che fej y á fat pert dl fotoclub.Sigü ne é le fotoclub nia öna dles uniuns plü vedles dla Val Badia, mo an pó bёgn dí che al é n bel travert sce an pó destudé 20 ciandёres. Por chёsta festa á orü organisé la uniun iniziatives particolares por sü membri y apasciöná dla fotografia.
L'uniun é nasciüda sciöche ocajiun por se baraté fora idees tl monn dla fotografia, al ê val' de nü por la Val Badia. I podun confermé che le club á tres ciamó süa atrativité y an pó ti ciaré al dagní cun n gran otimism. N cambiamёnt do 20 agn Sce i menun zoruch l'ora de 20 agn odunse che al se á mudé tröp pro le fotoclub. Al é n tёmp lunch y no ma la tecnica da fá jö se á mudé, mo ince sciöche le fotoclub é sёgn struturé, al é sté mudamënc. Cun la fotografia ti pon dé corú ala vita, y bёgn plü co 50 fotografs tla Val Badia fej pert de chёsta uniun. Al nun é ince sté scric ite passa 80, n gran numer. An pó bёgn dí che al é sёgn n'atra generaziun che vёgn do ca, chël é ince dёrt y bel da odёi. |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|