 In sabeda 15 de novëmber 2015 à la Cassa Raiffeisen Val Badia presentè a Al Plan le calendar 2015. Contemporanëamënter él ince gnü daurì la mostra storica di calendri publicà dala Cassa Raiffeisen dal 1983 incà.I prüms agn gné le calendar surantut dala Federaziun dles Casses Raiffeisen y reportè tl lingaz ladin. Dl 1998 à spò Morlang Bruno portè inant l'idea de fà in ćiasa en calende. Da chësc moment inant, ince giulan al sostëgn dl Fotoclub Val Badia che à realisè gran pert dles fotografies él vigni ann gnü publichè le calendar. I calendric à reportè desvalis temi tl contest dles imagines: nost raiun ladin, jënt ladina te süa identité, le svilup de nüsc paisc, la storia de nosta valada, le laur da vigni dé, le laur da paur, l'artejanat, le turism, vita culturala y religiosa, sport, vita soziala, uniuns y manifestaziuns.  Dal 2010 inant à le calënder ciafè na forma nöia, plö strënt y plö lunch, mo adatè al post da taché sö. Dai temi suradescriċ esun passà a temi lià ala natüra de nosta contrada reportà vigni an ċina le calendar 2015 che porta le tema "lëgns tla natöra". Gran è stè ince le svilup grafich te chisc agn – tan plö che les imagines publicades ti proms agn da pert di auturs dl Fotoclub è uramai "storia" tan interessanta da podëi ince fà na mostra. Dr. Tone Gasser à por l'ocajiun splighè le contest di Sanċy les festivités reportades tl calendar. Rubatscher Maria à splighè i contegnüs di sëgns zodiacai y dles lünes reportades sön le calendar, cosa importanta por les regoles dla natöra. La presentaziun è gnüda abilida cun cianties da pert dl quartet "Göma".  La mostra storica di calëndri dla Cassa Raiffeisen cun passa 300 fotografies uramai storiches pon vijitè tl Salf dla Cassa Raiffeisen a Al Plan dal lönesc al vëindres dales 8:00 ales 12:30 y dales 14:45 ales 16:15 ċina le vëindres 28 de novëmber 2014. Por udëi le nü calender drüca: Calender_2015.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|