 Canche al vëgn altonn tl'Alaska, se vista les gran planüdes por cört tëmp n guant de curusc, ghel y scür cöce, le guant dal "Indian Summer".
 Te chisc dis se müda la natöra da dé a dé y se manifestëia te döta süa maesté, denant che al vëgn l'invern frëit y lunch. Te en chît de morvëia, dalunc dla zivilisaziun, pon amiré la belëza dla tundra artica y la pröma nëi sön les pizes plü altes dl' "Alaska Range". Impresciun fesc i gran dlacias, dandadöt tl raiun di "Chugach Mountains", ola che an ti röva saurì dër d'ampró.  Le Fotoclub Val Badia organisëia en jöbia, ai 19 de merz dales 20:30 te salf dl' Istitut Ladin Micura de Rü a S. Martin, na proieziun de fotografies dal titul „Altonn tl' Alaska", cun Jep Taibon.
Düc é dër bel inviá da gni a partì cësc iade "to the last frontier"... al ultim confin dla zivilisaziun.
|
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|