 Premiaziun dl concurs fotografich dl Fotoclub Val Badia, cun daurida dla mostra. I pröms trëi é Elisabeth Valentini, Walter Oberlechner y Devid Profanter.
Foto1: Dmc Elisaeth Valentini 1. post, Alfred Erardi 9. post, Walter Oberlechner 2. post, Frida Ploner 10. post y le presidënt dl Fotoclub Helmut Elzenbaumer)
FOTOGRAFIA »Iadi fora por le monn« ê le tema dl concurs de fotografia che le Fotoclub Val Badia á metü a jí en chësc ann. En sabeda ai 11 de novëmber él gnü a s'l dé tl salf dl Istitut Ladin a San Martin la premiaziun. Döt adöm él sté 19 partezipantes y partezipanc che á tut sö chësta »desfida foto grafica« y á mené ite 94 retrac che documentëia te na manira demorvëia usanzes, tradiziuns, vita y emoziuns dles cultures che depënj y arichësc nosta tera.
N pater budist, na nomada tl Ladakh y na mensa tl'India Les fotos é spo gnüdes valutades da na juria metüda adöm da Sepp Hackhofer, Norbert Scantamburlo, Ivan Castlunger y Helmuth Elzenbaumer – che á valuté i aspec desvalis, sciöche idea, incadratöra, corusc, espresciun y sambëgn motifs. Al pröm post él gnü premié la fotografa Elisabeth Valentini da La Ila, cun le retrat de n pater budist te so vistimënt y ambiënt tradizional, tratan che al ciara sön n smartphone. Dër espressiva é la foto che á arjunt le secundo plazamënt, olache le fotograf Walter Oberlechner da Bornech á tigní toch n momënt de na möta nomada dl Ladakh. Al terzo post s'á plazé le fotograf Devid Profanter da .... che á tigní toch »la mensa plü grana dl monn« – chëra de Amritsar tl'India, olache al vëgn sorví passa 100 mile pasć al de. Por la pröma classificada á le Fotoclub metü a desposiziun n pest de 250,00 €, por le secundo 200,00 € y por le terzo 100,00 €; pesć él sté cina al 10. classifiché, olache i ciafun ince de plü ladins: Pia Pedevilla al 5. post, Sara Dapoz al 7. post, Alfred Erardi al 9. post y Frida Ploner al 10. Na mostra cina ai 24 de novëmber Les fotos plü particolares é gnüdes metüdes fora te na mostra, che é da odëi ciamó cina ai 24 de novëmber, tl salf dl Istitut Ladin a San Martin, tratan i orars de daurida dl Istitut: dal lönesc ala jöbia dales 10 ales 12 y dales 14 ales 17, le vëndres dales 10 ales 12. PABLO
Dessot pon ciafá la galeria dles atres fotos dades jö dal concurs 2019. Les fotos é gnüdes metüdes ite a cajo, nia dô la tlassifica. http://www.fotoclubvalbadia.it/index.php/ld/album/copia-di-membri.html Concursc di agn assá: Concursc |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|