 Le Fotoclub Val Badia mët a jí por l'ann 2017 indô le concurs de fotografia, davert a düc, cun le tema "ghel".Pro chësc tema tomel ite düc i retrac olach'al vëgn dant le ghel, te na forma prevalënta o ince ma te details dl retrat. Lapro aldel por ejëmpel fotografies macro, mo ince de vigni sort d'atres fotografies de contrades, crëp, ciüf, ogec artifiziai, porsones, fates jö belanfat ola. Les 30 plü beles fotografies gnará metüdes fora te na mostra da d'altonn y les 10 plü beles, chirides fora da na juria, gnará premiades cun la soma de 250, 150 y 100 euro por i pröms trëi posc y de 25 euro dal 4. al 10. post. Vigni partezipant al concurs po dé jö alplü 5 fotografies son chësc tema, meton pro vigni fotografia le inom dl fotograf y en titul/descriziun. Les fotografies po gní dades jö sön CD/DVD, „usb-stik" o cun le sistem de trasmetüda de dac https://www.wetransfer.com/ ala mail This e-mail address is being protected from spambots. You need JavaScript enabled to view it . Le format mëss ester jpg y mëss avëi almanco 5 mega pixel. Les fotografies sön CD/DVD o „usb-stik" mëss gní menades te na busta stlüta al: Fotoclub Val Badia, Str. Pares 10, 39030 La Val. L'ultim termin por dé jö les fotos é le 18 de setёmber. Por udëi l'regolamënt drüca:Regolament_Concurs_2017_Ghel_Fotoclub_Val_Badia.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|