 Le Fotoclub Val Badia mët a jì por l'ann 2017 indô le concurs de fotografia, davert a düć, cun le tema "Ghel". Pro chësc tema tómel ite düć i retrać olach'al vëgn dant le ghel, te na forma prevalënta o inće ma te details dl retrat. Laprò àldel por ejëmpl fotografies macro, mo inće de vigni sort d'atres fotografies de contrades, crëp, ciüf, ogeć artifiziai, porsones, fates jö belanfat olâ. Les 30 plü beles fotografies gnarà metüdes fora te na mostra da d'altonn y les 10 plü beles, chirides fora da na juria, gnarà premiades cun la soma de 250, 150 y 100 euro por i pröms trëi posc y de 25 euro dal 4. al 10. post. Por udëi l'regolamënt drüca sön le pdf: Regolament_Concurs_2017_Ghel_Fotoclub_Val_Badia.pdf Concursc di agn passá: Concursc |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|