Le fotograf olandesc, conesciü a livel internazional tëgn n referat a Porsenú y spo n workshop a San Martin de Tor.
Workshop cun Theo Bosboom Le fotograf olandesc, conesciü a livel internazional tëgn n referat a Porsenú y spo n workshop a San Martin de Tor Le Fotoclub Val Badia iniviëia dër bel a workshop sön la fotografia, tigní dal fotograf conesciü Theo Bosboom, en sabeda ai 10 d'otober dales 9.00 ales 12.00, tl salf dl Istitut Ladin a San Martin de Tor. Al spligará süa tecnica da fá jö y dará ince impulsc por fotografies originales.
Informaziuns y prenotaziuns pro Helmuth al 338/7941256 o sön www.fotoclubvalbadia.it. Bosboom sará ince da aldí la sëra denant, le vëndres ai 9 d'otober dales 20.30, te n referat tl'Aula dl Realgymnasium J. Ph. Fallmerayer a Porsenú (Str. Dante nr. 39). Theo Bosboom Bosboom é n fotograf profescionist olandesc. Dl 2013 ál dé sö süa cariera da avocat, por se dediché a so some da podëi fotografé a tëmp plëgn. Al é spezialisé sön contrades y natöra, olache al é bun da cöie i momënc da punc d'odüda demorvëia. Sü retrac é gnüs premiá pro deplü concusc y é ince gnüs publicá te revistes dl setur sciöche National Geographic ti Paisc Basc, sön le BBC Wildlife magazine y NaturFoto. https://www.theobosboom.nl |