Home - News - Inaudada la pröma terrassa panoramica UNESCO tles Dolomites
66696969La pröma terassa panoramica dles Dolomites patrimone UNESCO é gnüda inaugurada incö ai 27 d'agost dal assessur y presidënt dla fondaziun Richard Theiner sön la munt dl Strudelkopf tl raiun de Toblach tl parch natural Fanes-Senes-Braies. Le conzet y i laurs de costruziun é gnüs manajá dantadöt dal Ofize Parcs naturai dla Provinzia.
La costruziun panormatica é gnüda realisada sön la munt dl „Strudelkopf" a 2.307 metri d'altëza tl raiun de Toblach dlungia la localité de "Plätzwiese" amesa le parch natural Fanes-Senes-Braies y pita n'odüda spetacolara sön les pizes dles Dolomites dl Sest y de Braies, di Cadini y dl Cristallo dlungia Ampëz. Al é la pröma terrasssa de na seria che dess gní fates sö te posć cun n bel panorama amesa les Dolomites y por valorisé la denominaziun de patrimone mondial UNESCO. Un di obietifs dl proiet é chël da avijiné la popolaziun al arpejiun naturala dles munts patrimone UNESCO y da aumenté la responsabilité dla popolaziun tl vers dla natöra.

Le presidënt dla fondaziun y assessur por l'ambiënt Richard Theiner á insciö inauguré incö ai 27 d'agost la terrassa recordan i motifsimage25 che á porté al'assegnaziun dl titul UNESCO tl 2009 che reverda dantadöt l'importanza geologica dles munts dolomitiches y la belëza dla contrada. Le presidënt dla fondaziun á ince recordé por l'ocajiun che al é preodü la realisaziun de indöt nü terrasses panoramiches, „deache nü é ince i raiuns dles Dolomites patrimone mondial UNESCO y vigni terrassa dess ince sotligné na particolaré desfarënta dles munts por presenté adöm na vijiun generala dles Dolomites sciöche patrimone natural mondial." Ince les provinzies de Belluno y dl Trentin á metü man cun la planificaziun de atres terrasses te sü raiuns.

image536La terrassa panormanica tl parch natural de Fanes-Senes-Braies é gnüda conzepida dal architët David Messner y da so pere y artist Franz Messner sön inciaria dla Fondaziun Dolomites UNESCO cun l'obietif da inserí le frabicat le plü che ara vá tla contrada alpina zënza mudé le paesaje. Le diretur dl Ofize Parcs naturai Enrico Brutti á rengrazié por l'ocajiun les cater repartiziuns provinziales dles Costruziuns idrauliches, Geologia, Sorvisc Strades y Laurs publics y les imprejes che á lauré al proiet por la buna colaboraziun. L'acompagnadú di ghesć y alpinist Erwin Steiner á splighé ala fin dla pert ofiziala dl'inauguraziun le panorama da odëi dala munt dl „Strudelkopf" cun na vijiun spetacolara sön les pizes dles Dolomites dl Sest y de Braies, di Cadini y dl Cristallo dlungia Ampëz.