 L'Ofize Parcs naturai á conzepí por le pröm iade material didatich por les scolares y i scolars dles scores mesanes che trata a funz la tematica dles Dolomites patriomone mondial UNESCO y sües particolarités naturales y geologiches.Cun le scomenciamënt dl ann scolastich nü mët l'Ofize provinzial Parcs naturai a desposiziun de scolares y scolars, en colaboraziun cun la Fondaziun Dolomites UNESCO, de plü materai didatics „cun l'obietif da stimolé l'interes por le patrimone mondial UNESCO por inrescí plü avisa les carateristiches y sfidades che reverda la sconanza dles Dolomites", spliga le diretur dl Ofize Enrico Brutti.
Le material didatich – cun de plü jüc, plates de laur, domandes y respostes, na cherta geografica, na cherta magnetica interativa – pita de plü poscibilités por elaboré la tematica dles Dolomites patrimone mondial y da la presenté te na manira interativa y didatica por i scolars y les scolares. Le material didatich é gnü svilupé por l'insegnamënt tles scores mesanes, por talian y todësch, y pó gní adoré ince tratan les ores te scora. Les plates de laur pó gní desćiariades diretamënter dala plata internet dla Repartiziun Natöra, contrada y svilup dl teritore sot ala misciun: www.provincia.bz.it/natura-territorio/service/materiale-didattico.asp Le material didatich dles Dolomites patrimone mondial pó gní impresté fora debann tles set Ciases di Parcs naturai dl Südtirol y tl Ofize Parcs naturai. Por informaziuns plü menüdes prëibel contaté l'Ofize provinzial al numer 0471 - 417774 (Eva Trenkwalder). |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|