 Proieziun dles fotografies de Sandra Bartocha en vëndres ai 4 de otober tl salf Auditorium da Porsenù. En sabeda ai 5 de otober organisëia le Fotoclub Val Badia n workshop cun la fotografa a San Martin.
En vëndres ai 4 de otober, dales 20:30 tl salf Auditorium dla scora alta taliana da Porsenù (Mozartallee), organisëia STrix, le grup de fotografs naturalistics de Südtirol, de chël che deplü fotografs dla Val Badia fej pert, na proieziun de fotografies cun la fotografa naturalistica Sandra Bartocha, conesciüda a livel internazional, dal titul , "Rythmus der Natur". Bartocha à dè n gran contribut por la fotografia naturalistica tl'Europa, cun süa creativité y fantasia. La natöra pîta n gran numer de formes y corusc. La fotografa porta dant süa vijiun personala dla natöra, sü retrać spontanns che respidlëia l'atmosfera dl post olache ai é gnüs fać y ai mostra pici framënć astrać dla realté. N workshop cun la fotografa Chësta ocajiun ne s'à le Fotoclub Val Badia nia lascè sciampè y à porchël organisé n workshop cun Sandra Bartocha, la sabeda ai 5 de otober, a San Martin de Tor, tl salf dl Istitut Ladin, dales 9:00 ales 12:30. Tratan le laboratore, dal titul "Kreative Naturfotografie", spligarà la fotografa co y ćiodì che ara se dedichëia ala fotografia naturalistica, ara cuntarà inće dles idees y di pinsiers che se ascogn do sü retrać. Y propi deache la ispiraziun creativa é por vignun valch d'ater, cuntarà Bartocha sciöche sües fotografies nasc, dal punt de odüda tecnich, mo inće emozional. I fotografs y i apascionà de fotografia po tό chësta ocajiun por conësce la vijiun particolara de Sandra Bartocha. Informaziuns y prenotaziuns pro Helmut al numer 338/7941256 o por email a This e-mail address is being protected from spambots. You need JavaScript enabled to view it Links: http://www.bartocha-photography.com/ https://www.facebook.com/bartocha.photography |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|