 USP – L'urganisazion dla fundazion che aministrea l'arpejon mundiela Unesco – Dolomites, dëssa deventé plu megra. I prim vares de chësc viers iel unic fai pra na senteda dl cunsëi de aministrazion te chëla che l assessëur Elmar Pichler Rolle à reprejentà l Südtirol. Ai prim de juni passerà la presidënza de chësta fundazion al Südtirol. Pichler Rolle che à sëurantëut la natura y cuntreda tla Jonta provinziela ie perchël assessëur de referimënt per l'arpejon Unesco-Dolomites y à n vënderdi per l prim iede tëut pert a na senteda dl cunsëi de aministrazion dla fundazion Dolomites-Unesco a Belun. Si prima bilanz ie positiva: "La provinzies de Bulsan, Trënt, Belun, Udine y Pordenone à nchinamò laurà drët bën deberieda y śën uelen jì inant cun chësta bona culaburazion". Tla prima senteda se ala dantaprima tratà de na urganisazion plu megra dla fundazion. Tla senteda iesen ruvei a una de mëter adum l cunsëi diretif cun l cunsëi de aministrazion. Chësc cumporta na majera ntegrazion dla regions Veneto y Friul deberieda cun la cin provinzies. L ie na gran defrënza dla pusciblteies finanzieres y urganisatives danter la provinzies autonomies de Bulsan y Trënt permez a Belun, Podenone y Udin. "Zënza sustëni dla Regions ne jissela nia" dij Pichler Rolle. Per chësta rejon vëniel laurà a n model nuef cun na majera partezipazion de dezijion y de finanziamënt che dëssa purté prò a purté inant i lëures plu aslune. Na dezijion dëssa unì tëuta ala fin de merz. L'arpejon Dolomites dëssa tl daunì nce unì meneda da n diretëur generel. Per chësta stiera unirà d'auril scrit ora n cuncors. "Te chësc mumënt iel na grupa de trëi funziuneres che mëina drët bën la fundazion" dij l assessëur. La relazions che se à damandà l Unesco dëssa avëi purtà de bon resultac. Ntant se anjenià la repartizion provinziela per natura, cuntreda y svilup urbanistich dassënn ala prim de juni, canche l Südtirol sëurantulerà la presidënza per trëi ani. Pichler Rolle se à tëut dant de pité velch ai jëuni y ti purté plu daujin l raion da mont y cun si lijëndes. N mesun de chësc vieres sarà nce la prejentazion tl internet che unirà tla proscima enes metuda online. Fontana: Ufize Stampa dla Provinzia da Balsan. |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|