Ai 19 de forà à le Fotoclub Val Badia tignì süa riuniun generala, olach’al é gnü fat n ressumé y n bilanz dles ativitês di ultims agn, denant che passè ales lîtes dl Consëi nü, che vëgn do statut renové vigni trëi agn. Ince deache mâ na pert dla bela compëda de mëmbri scriã ite al Club à tut pert ala riuniun, él en sostanza gnü confermè i mëmbri dl Consëi da denant: Helmut Elzenbaumer, Paul Erlacher, Werner Pescosta, Alfred Erardi, Carlo Dapoz, Ivan Castlunger y Mario Clara, che gnarà daidà te chësta legislatöra da Pire Ploner de Badia, fotograf apascioné de natöra y dantadöt di tiers de nosc raiun.

Le tema dl concurs da chësc ann é „Vita da incö, storia da indoman“. Le tema é scialdi ampl, ciodìche le fotograf po instës se fà pinsiers sön cosses che é incö ciamò dër atuales y che fej pert dla vita da vignidé y che podess indoman mâ plü ester da ciafè ti libri de storia. Le regolamënt dl concurs pon ciafè sot a www.fotoclubvalbadia.ladinia.net. Vigni partezipant al concurs po dè jö alplü 5 fotografies a corusc o a blanch y fosch anter i 15 de setëmber.

Dante rite gnaràl metü a jì val’ jita sön munt a fà jö. De setëmber jaràn n fin dl’édema sön Biella por fà jö l’orì y le florì dl sorëdl. Düã i apascionà de fotografia é dër bel invià da tó pert...