Home - Concursc de foto - Concurs ann 2018 - Architetöra tla Ladinia y fora por le monn

04_premiTl Istitut Ladin „Micurá de Rü" pon odёi cina ai 23.11.2018 la mostra anuala dl Fotoclub Val Badia, y chёsc ann él sté tröc fotografs dla Val Badia y foradeca che se á dé jö cun le tema "Architetöra tla Ladinia y fora por le monn". 

Tl salamёnt dl Istitut ladin pon odёi "fotografies dl'architetöra tla Ladinia y fora por le monn" ti orars dl ufizé dl Istitut Ladin. Al é da ciafé na gran varieté tles fotografies y porchёl é düc inviá da gní a ti ciaré ala mostra a San Martin. Ai fotografs ne ti bastel nia ma n "klick", ai aspeta le dёr momёnt por che al garetes la fotografia. Les fotografies ne scraia nia, ne á nia da nun fá cun l'atualité dl web, ares se damana che se tolun le tёmp da ti ciaré. La generaziun digitala mёss imparé da se to le tёmp da ti ciaré ales cosses, tl monn dl internet é döt dёr superfizial.
L'architetöra ti pita ai fotografs le dër ambiënt por mostré süa creativité tl ciamp dla fotografia. Chisc ultims agn él sté le corú tl zёnter di concursc, chёsc ann an orü chirí fora döt val' d'ater. I fotografs á podü insciö fá jö na realté de nosc monn y spo l'archivié sön so computer. I laurs che vёgn presentá tla mostra ne é nia anarchia, ince sce ares é desfarёntes, mo ares se mostra impó n fi cöce che les liёia adöm, l'architetöra. Le design y l'architetöra se á dёr mudé tl ultims agn, y chilo mëssun ince nominé la tecnologia che pita n gröm de poscibilites ai architec y atejans. Sce ai é bugn da capí la complessité de chёsc monn, esi avantajá y fej ciases te n stil dёr personal. I ne messun nia ma ponsé al nü, mo tl'architetöra mëssun conservé ci che nüsc antenac a fat sö. Les ciases da inlaota ne dess nia ma gní odüdes sciöche n corp zënza anima, mo ares mëss gní renovades y adatades a nüsc tëmps. Les viles alda pro l'identité ladina y la jënt dess podëi vire dailo. Les ciases á süa funziun y le stil particolar se fej capí che al é val' de unich tl ciamp dl'architetöra de Südtirol. 01_foto_iuria_18Architetöra tla Ladinia y fora por le monn
La fotografia dl'architetöra va da chёra classica cun les vedles ciases da paur, che nos chiló tla Val Badia conesciun sciöche "ciasa a fungun" y che á na gran valüta storica y culturala, cina al stil disneyland dl monn dl turism . Le spectrum é dёr gran y al fotograf se dëurel n gröm de poscibilites. Ne urun nia duarí na discusciun dla cualité dl architetöra tla Val Badia, mo odёi ci che á impresciöné i fotografs de chёsc monn. Canche i baiun de fotografia dl'architetöra messun baié dla perspetiva, ma sce i conesciun chёstes regoles, sunse bugn da fá fotografies de cualité. Pro chёsc concurs pudô i fotografs nia ma ponsé ai corusc tla fotografia, mo messâ impröma de döt ciaré ales linies orizontales y verticales. I fotografs pudô presenté motifs ince da foradeca, y savun che tl'achitetöra moderna vёgnel dёr iön lauré cun le spidl, y chilo él sté interessant da odёi sciöche i fotofrafs laora cun chёsc material. Te chёsc cajo mёss le fotograf savёi da lauré cun le scür y le luminus. La falzada mёss trá l'atenziun y ester tl zёnter dla composiziun dla fotografia. Ince les portes y finestres po daidé svilupé la creativité di fotografs y porté pro che la fotografia garetes. Tröc po miné che la fotografia d'architetöra ne é nia val' de creatif, deache an fej jö ci che le architet á dessigné, porchёl ti restel pucia lerch al fotograf, mo chël ne é nia vёi, sambёgn che vigni un mёss ciafé so tru, sciöche indlunch. Sce i jun fora por nüsc paisc o cites, ciases ne odunse bele assa, ri é chirí fora le dёr motif. Le pröm laur dl fotograf é chirí le post, olache al ó sté a fá sües fotos, y chёl pon odёi dala mostra dёr bel. Sce al é te n post foresto, pol le fotograf se informé tres google, n gran aiüt y an sparagna tёmp. Nos düc savun che i viun te n monn dles imajines, y chёl influenzёia la vita da vigni de.

And the winner is ...
La iuria é indo gnüda cherdada ite por valuté les fotografies, y an pro dagnora da moscedé les porsones, ares ne dess nia fá pert dl medemo ciamp, deache al dess nasces na discusciun canche an chir fora les fotografies. Chёsc ann ál fat pert dla iuria Norbert Scantamburlo (presidёnt dl fotoclub da Bornech), Sepp Hackhofer (ex-presidёnt dl Strix) y i fotografs Castlunger Ivan y Carlo Dapoz. Chisc á messü chirí fora danter plü de 60 fotografies y les plü beles é spo gnüdes tutes por la mostra. 10 fotografs é gnüs premiá pro la daurida dla mostra, mo a düc ti val n gran complimёnt, ai s'á dёr porvé! Les fotografies sará spo da odёi te internet sön la plata dl fotoclub Val Badia.

Le pröm post ti é jü chёsc ann a Ploner Ulrike, al é na hommage al design, a na vijiun, sciöche an pó interpreté na composiziun minimalista. An vëiga che le design po ester val' de lisier, lié adöm cun l'ironia, che ne dess mai mancé. Ulrike Ploner desmostra na gran ligrёza da sperimenté cun le aparat da fá jö, al é garaté na fotogafia dёr originala y al é bel da ti ciaré al motif che vёgn presenté. Gran importanza ti él gnü dé ala forma tlera y scëmpla.
Al secundo post é rové Karin Pizzinini y ara desmostra che l'architetöra ne é nia dagnora liada al marketing, business, ai partys y investimënc dl monn dl turism, mo po ince ester dër val' de scëmpl. La fotografia mostra che les porsones vir te n monn scëmpl y arcaich, olache scioldi ne é nia döt y la vita da vigni de é dër scëmpla. L'architët te chësta foto desmostra na gran cultura, al adora materiai che passenëia te so ambiënt, al ti ciara al paesaje inciaria.
Al terzo post é rové Samuel Debon, y an vёiga le gran interes por l'architetöra moderna. "Panta rei", döt va inant, y insciö ince la parora estetica che se á mudé cun i secui. Sëgn viun te n monn olache le design á na gran importanza y influenzëia l'architetöra. Al á interpreté dër bun le tema metü dant.

Da segnalé él ciamó i fotografs che é rová ti pröms diesc, chiló él da nominé
al 4. post Erardi Alfred,
al 5. post Erardi Alfred,
al 6. post Ragazzi Barbara,
al 7. post Tolpeit Zeno,
al 8. post Ploner Ulrike,
al 9. post Elzenbaumer Ester
y al 10. post Erardi Alfred.
La mostra restará daverta cina en vëndres, ai 23 de novëmber, tratan i orars dl Istitut: lön. - jöb. (10.00 - 12.00) - (15.00 - 17.00) y vën. (10.00 - 12.00).
Rudi Moling


La mostra resterá daverta cina ai 23.11.18, ti orars dl Istitut Ladin.

 


1_post_Ploner_Ulrike 2_Karin_Pizzinini 3_post_Debon_Samuel
1° post Ulrike Ploner
2° post Karin Pizzinini
3° post Samuel Debon

  
4_post_Alfred_Erardi 5_post_Alfred_Erardi 6_post_Ragazzi_Barbara 7_post_Zeno_Tolpeit
4° post Alfred Erardi
5° post Alfred Erardi
6° post Barbara Ragazzi
7° post Zeno Tolpeit

8_post_Ploner_Ulrike 9_post_Ester_Elzenbaumer 10_post_Alfred_Erardi
8° post Ulrike Ploner
9° post Ester Elzenbaumer
10° post Alfred Erardi

                                                                                                
Dessot pon ciafè la galeria dles atres fotos dades jö dal concurs 2018. Les fotos dô le 10° post é gnüdes metüdes ite a cajo, nia dô la tlassifica.


Por udëi la galeria de dütes les atres fotos drüca: Concurs2018

 

Por odëi le regolamënt dl concurs de chësc ann drüca: Regolament_Concurs_2018_Architetoera_tla_Ladinia_y_fora_por_le_monn.pdf