|
In chësc ann ê le tema prinzipal: MOVIMëNT
Fotoclub Val Badia: n concurs interessant cun na bela mostra.
Al é bele cotan d’agn che le Fotoclub Val Badia mët a jì concursc da fà jö y mostres de fotografies y trames les iniziatives vëgn vigni ann tutes sö valgamia bun dai apascionà dla Val Badia, mo inće da foradecà. En chësc ann 2014 él gnü chirì fora „movimënt“ sciöche tema dl concurs y dla mostra, ći che à dër plajü mo ince nia saurí da fá jö, sc’an ćiara ai 30 fotografs (ince internazionai) che à tut pert cun bëgn 108 retrać.
Na comisciun (metüda adöm da Paul Erlacher sciöche presidënt dla comisciun y Ivan Castlunger por le consëi dl Fotoclub, Katharina Moling sciöche mëmbra dla pert artistica y da foradecà Norbert Scantamburlo ince rapresentant di fotografs dla natöra "Strix") à spo chirì fora i 30 retrać plü bi che é spo inće gnüs metüs fora tla mostra, inaugurada ai 15 de novëmber tl salf dl Istitut Ladin „Micurà de Rü“. Te chësta ocajiun él inće gnü premié i auturs di pröms 10 retrać tlassificà. Le plü bel retrat chirì fora dala comisciun, che atocâ inće bun le tema „movimënt“, é stè chël de Helmut Elzenbaumer da La Val. Al secundo post é rové Günther Linder da Sëlva, che s’à plazè dan Vito Miribung de Gherdëna.
Tratan la serada él ince gnü mostre na proieziun cun les fotos y ulache Paul Erlacher á spo spieghé les motivaziuns dla juria por i retrac premiá.
Al Consëi dl Fotoclub Val Badia i dà le suzès les döes manifestaziuns y i da motivaziun y ligrëza da fà inant inće ti agn che vëgn. Sc’al é de un n vers vëi, che le numer di apascionà de fotografia dla Val Badia é chersciü tres deplü te chisc ultimi agn dilan ai aparać digitai, podess dl ater vers inće le Fotoclub avëi dè na picia sbürla. Sües manifestaziuns y l’ejëmpl de zacotan de fotografs ambiziusc che mostra sü bi retrać en ocajiun de proieziuns à dessigü fat crësce la vëia de jì amesa la natöra a fà jö sües formes demorvëia.
L’aodanza dl Consëi dl Fotoclub é ch’al vëgnes do cà tröc fotografs de nosc raiun dolomitich, inće deache da ti ćiarè ales cosses inanter n obietif fora, impàron val’ iade da les aprijé deplü.
Da man ciampa:
Walter Irsara, Vito Miribung, Helmuth Elzenbaumer, Walter Oberlechner, Günther Linder y Freddy Sottara
|
|
|
|
1° post Helmut Elzenbaumer
|
2° post Günther Linder
|
|
3° post Vito Miribung |
|
|
|
|
4° post Walter Oberlechner
|
5° post Helmut Elzenbaumer
|
6° post Vito Miribung
|
7° post Günther Linder |
|
|
|
8° post Walter Irsara
|
9° post Freddy Sottara
|
10° post Filippo Frontull
|
Dessot pon ciafè la galeria dles 30 fotos plü beles dl concurs 2014. Les fotos é gnüdes metüdes ite a cajo, nia dô la tlassifica.
Por odëi le regolamënt dl concurs de chësc ann drüca: Regolament_Concurs_2014_Moviment.pdf
| Nater ann le tema prinzipal dl concurs é ciamo da definí plü avisa. |
|
