Home - Concursc de foto - Concurs ann 2012 - Cöce

In chësc ann  ê le tema prinzipal: CÖCE


Dessot él da odëi les prümes 10 fotografies, les plü beles 30 metüdes fora tla mostra y dütes lea atres che é gnüdes dades jö dal concurs 2012.



Fotoclub Val Badia: n concurs interessant y na bela mostra


Al é bele cotan d’agn che le Fotoclub Val Badia mët a jì concursc da fà jö y mostres de fotografies y trames les iniziatives vëgn vigni ann tutes sö valgamia bun dai apascionà dla Val Badia, mo inće da foradecà. En chësc ann 2012 él gnü chirì fora le corù „cöce“ sciöche tema dl concurs y dla mostra, ći che à dër plajü, sc’an ćiara ai 34 fotografs che à tut pert cun bëgn 143 retrać.

Na comisciun metüda sö dal Fotoclub à spo chirì fora i 30 retrać plü bi che é spo inće gnüs metüs fora tla mostra, inaugurada ai 10 de novëmber tl salf dl Istitut Ladin „Micurà de Rü“. Te chësta ocajiun él inće gnü premié i auturs di pröms 10 retrać tlassificà. Le plü bel retrat chirì fora dala comisciun, che atocâ inće bun le tema „cöce“, é stè chël de Karin Pizzinini da Calfosch. Al secundo post é rové Vito Miribung, fotograf conesciü da Urtijëi, che s’à plazè dan Paolo Erlacher d’Al Plan. Danter i pröms diesc ciàfun spo inoms nüs por ći che reverda le fà jö, sciöche Freddy Sottara y Edith Ellecosta, mo inće fotografs conesciüs sciöche Alfred Erardi, Karl Oberlechner, Rudi Moling, Andrea Moroder y Roswitha Crazzolara.

Al Consëi dl Fotoclub Val Badia i dà le suzès les döes manifestaziuns, dl concurs y dla mostra, motivaziun y ligrëza da fà inant inće ti agn che vëgn. Sc’al é de un n vers vëi, che le numer di apascionà de fotografia dla Val Badia é chersciü tres deplü te chisc ultimi agn dilan ai aparać digitai, podess dl ater vers inće le Fotoclub avëi dè na picia sbürla. Sües manifestaziuns y l’ejëmpl de zacotan de fotografs ambiziusc che mostra sü bi retrać en ocajiun de proieziuns à dessigü fat crësce la vëia de jì amesa la natöra a fà jö sües formes demorvëia.

L’aodanza dl Consëi dl Fotoclub é ch’al vëgnes do cà tröc fotografs de nosc raiun dolomitich, inće deache da ti ćiarè ales cosses inanter n obietif fora, impàron val’ iade da les aprijé deplü.


 Por odëi le regolamënt dl concurs: Regulament_Concurs_2012.pdf   




concurs_premiaziun_2012
I fotografs dla Val Badia che s’à tlassifiché cun sü retrać danter i pröms 10. (d.m.c Crazzolara Roswitha, Erardi Alfred, Oberlechner Walter (un dla comisciun), Miribung Vito, Moling Rudi, Moroder Luca Andrea, Elzenbaumer Helmuth (presidënt dl Fotoclub Val Badia). Al mancia sön la foto Pizzinini Karin, Erlacher Paolo, Sottara Freddy, Ellecost Edith y Oberlechner Karl.

 




1_post_Pizzinini_Karin   2_post_Miribung_Vito   3_post_Erlacher_Paolo
1° post Pizzinini Karin 2° post Miribung Vito 3° post Erlacher Paolo

  
4   5   6 7
4° post Sottara Freddy 5° post Moling Rudi 6° post Ellecosta Edith 7° post Moroder Luca

8   9   10
8° post Crazzolara Roswitha 9° post Oberlechner Karl 10° post Erardi Alfred



Dessot pon ciafè la galeria de fotos che é gnüdes dades jö dal concurs dal ann 2012. Val fotos é gnüdes "gescannt" porchël pol ester che la risoluziun ne sides nia otimala. Les fotos é gnüdes metüdes ite a cajo, nia dô la tlassifica.

 Por udëi la galeria dles prümes 30 fotos drüca: Concurs_ann_2012_Cöce


 Por udëi dütes les atres fotos dades jö drüca: Concurs_ann_2012_Cöce