|
Patüc important (y manco important) ch'an po adorè da fà jö
Ći se vëgnel pa insigné te chësta leziun? Te chësta leziun vëgnel splighé ći sort de atrezatöres ch'an po eventualmënter adorè por ch'al garetes de beles fotografies. Öna dles massaries plü importantes por fà na bela fotografia é dessigü le statif, dantadöt sc'an fej fotografies macro o tele. Le statif devënta indespensabl canch'an adora n tëmp lunch de daurida dl oturadù, sceno devënta la fotografia turghera o rausciada (sce l'aparat mëss tó massa tröc ISO).  Statif Chi che laôra cun n statif adora laprò inće n će por podëi lascè sura l'aparat sön le statif. Al esist de plü sorts de ćês por statifs, che an po adorè te situaziuns desvalies, mo inće aladô de sciöche un se fej saurì.  Ćé dl statif  Ró da ćiarè fora a ćiantun (Winkelsucher)
Na cossa che pò oghé dantadöt sce l'aparat da fà jö é dlungia la tera.  Na linsa da fà jö daimprò (Nahlinse).
Ara büta dantadöt por arbassè le limit dl obietif da mëte a füch daimprò.  Filter polarisadù. Chësc filter büta por tó demez reflèsc che destürba sön la fotografia o por smendrì la löm grija o corusc massa stersc o por ti dè plü forza al blé dl cîl y ai corusc vërć.  Fëies fates jö zënza y cun le polarisadù. Chësc filter büta por demendrí riflessi che ne pëisnëia nia tla foto y al vá ince bun da demendrí lüm grija o corusc massa stersc.  Anela da mëte sö filtri dan l'obietif (ND-Filter). Chësta impormët da fissé n filter, por ejëmpl n filter grisc, por corì inće ma mesa la linsa o trëicherć dla linsa dl obietif. Insciö pòn limité les desfarënzies de luminosité che vëgn gonot fora sön la fotografia (na pert dër scüra y na pert dër lominosa).  Bosch y lëgns fać jö zënza y cun le polarisadù.
Comane a destanza.
Chësc cabl büta cotan da fà fotografies de nöt, por ejëmpl sc'an ó fà jö stëres o tarlìs. Cun la funziun „bulp" y le cabl pòn lascè davert l'oturadù tan dî ch'an ó y le stlü spo tl dër momënt. Flash. Al va bun dantadöt da fà jö porsones o da fà jö daìte, mo al n'é nia ideal da fà jö tla natöra. Duplicadù de focala. Ara se trata de n'anela che vëgn tacada ite danter l'obietif y l'aparat da fà jö por aumentè la destanza focala dl obietif, che pò de regola gnì aumentada de 1.4, 1.7 o 2.0 iadi.  Duplicadù de focala Por desćiarié la sesta leziun te n format PDF: Leziun_nr.6.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|