|
Ghel é l'ann 2017 por le fotoclub
En sabeda, ai 11.11.17, él sté tla sёnta dl Istitut Ladin "Micurá de Rü" la premiaziun dl concurs "ghel"dl Fotoclub Val Badia.
La comisciun y premiaziun.
La iuria metüda adöm dal fotograf Castlunger Ivan, Elzenbaumer Helmut (presidёnt dl fotoclub Val Badia), Norbert Scantamburlo (presidёnt dl fotoclub da Bornech), Sepp Hackhofer (ex-presidёnt dl Strix) y la fotografa Paola Finali á messü chirí fora danter plü co 130 fotografies y les plü beles é spo gnüdes chirides fora por la mostra. 10 fotografs é gnüs premiá pro la daurida dla mostra, mo a düc 29 ti val n gran complimёnt, ai s'á dёr porvé! Les fotografies sará spo da odёi te internet sön la plata dl fotoclub Val Badia.
Le pröm post á arjunt Alfred Erardi y an conёsc impröma de döt so gran amur por la natöra. Al aspeta le dёr momёnt, al chir le chit tla fotografia, y le resultat é veramёnter de alt livel. Al á salpü da lauré dёr bun cun la löm, le motif vёigun dёr bun, n gran complimёnt.
Al secundo post é rové Ulrike Ploner cun na fotografia olache l'essenzialité é tl zёnter de so laur. Dёr garaté é le contrast danter ciüf y corú inciaria. An conёsc che ara sa da lauré cun la tecnica macro y ince a vёra ti val n gran complimёnt!
Al terzo post é rovada Sandra Zingerle y süa fotografia é ince comunicaziun, cun na fotografia messun ester bun da cunté val' y chёl ti é dёr garaté. An vёiga che le möt ó descurí le monn, mo chёl vara ince cun atres capazites sensitives, no ma cun i edli. Vigni esperiёnza fej crёsce le möt y al jará fora por le monn cun atri edli. Bela la composiziun y complimёnc!
Da segnalé él ciamó i fotografs che é rová ti pröms diesc, chiló él da nominé al
4 post Alfred Erardi,
al 5 post Crepaz Philip,
al 6 post Elzenbaumer Alfons,
al 7 post Ulrike Ploner,
al 8 post Sottara Freddy,
al 9 post Moling Rudi
y al 10 post Kostner Renate.
La mostra resterá daverta cina ai 24.11.17, ti orars dl Istitut Ladin.
Por le Fotoclub Val Baida, Rudi Moling.
|
|
|
1° post Alfred Erardi
|
2° post Ulrike Ploner
|
3° post Sandra Zingerle
|
|
|
|
|
4° post Alfred Erardi
|
5° post Philip Crepaz
|
6° post Alfons Elzenbaumer
|
7° post Ulrike Ploner
|
|
|
|
8° post Freddy Sottara
|
9° post Rudi Moling
|
10° post Renate Kostner
|
Dessot pon ciafè la galeria dles atres fotos dades jö dal concurs 2017. Les fotos dô le 10° post é gnüdes metüdes ite a cajo, nia dô la tlassifica.
Por odëi le regolamënt dl concurs de chësc ann drüca: Regolament_Concurs_2017_Ghel_Fotoclub_Val_Badia.pdf
|
