|
In chësc ann ê le tema prinzipal: BLANCH
Fotoclub Val Badia: n concurs interessant cun na bela mostra y la prejentaziun dl nü calënder 2014 dla Cassa Raiffeisen Val Badia.
Al é bele cotan d’agn che le Fotoclub Val Badia mët a jì concursc da fà jö y mostres de fotografies y trames les iniziatives vëgn vigni ann tutes sö valgamia bun dai apascionà dla Val Badia, mo inće da foradecà. En chësc ann 2013 él gnü chirì fora le corù „blanch“ sciöche tema dl concurs y dla mostra, ći che à dër plajü, sc’an ćiara ai 35 fotografs (ince internazionai) che à tut pert cun bëgn 152 retrać.
Na comisciun (metüda adöm da Carlo Dapoz y Ivan Castlunger por le consëi dl Fotoclub, l'artist Markus Moling da La Val, y da foradecà Sepp Hackhofer - mëmber fondadù dla lia di fotografs dla natöra "Strix", de chëra che al é inće presidënt dal 2004 incà) à spo chirì fora i 30 retrać plü bi che é spo inće gnüs metüs fora tla mostra, inaugurada ai 07 de novëmber tl salf dl Istitut Ladin „Micurà de Rü“. Te chësta ocajiun él inće gnü premié i auturs di pröms 10 retrać tlassificà. Le plü bel retrat chirì fora dala comisciun, che atocâ inće bun le tema „blanch“, é stè chël de Helmut Elzenbaumer da La Val. Al secundo post é rové Günther Linder da Sëlva, che s’à plazè dan Freddy Sottara da La Val.
Al Consëi dl Fotoclub Val Badia i dà le suzès les döes manifestaziuns, dl concurs cun mostra y prejentaziun dl calënder dla Raika 2014, motivaziun y ligrëza da fà inant inće ti agn che vëgn. Sc’al é de un n vers vëi, che le numer di apascionà de fotografia dla Val Badia é chersciü tres deplü te chisc ultimi agn dilan ai aparać digitai, podess dl ater vers inće le Fotoclub avëi dè na picia sbürla. Sües manifestaziuns y l’ejëmpl de zacotan de fotografs ambiziusc che mostra sü bi retrać en ocajiun de proieziuns à dessigü fat crësce la vëia de jì amesa la natöra a fà jö sües formes demorvëia.
L’aodanza dl Consëi dl Fotoclub é ch’al vëgnes do cà tröc fotografs de nosc raiun dolomitich, inće deache da ti ćiarè ales cosses inanter n obietif fora, impàron val’ iade da les aprijé deplü.
Da man ciampa:
Rudi Moling, Arik Oberrauch, Edith Ellecosta, Freddy Sottara, Helmut Elzenbaumer, Walter Oberlechner, Alfred Erardi, Günther Linder
Al mancia: Philipp Lanthaler
|
|
|
|
|
1° post Helmut Elzenbaumer
|
|
2° post Günther Linder
|
|
3° post Freddy Sottara |
|
|
|
|
|
|
4° post Walter Oberlechner
|
|
5° post Edith Ellecosta
|
|
6° post Philipp Lanthaler
|
7° post Rudi Moling
|
|
|
|
|
|
8° post Arik Oberrauch
|
|
9° post Alfred Erardi
|
|
10° post Freddy Sottara
|
Dessot pon ciafè la galeria de fotos che é gnüdes dades jö dal concurs dal ann 2012. Val fotos é gnüdes "gescannt" porchël pol ester che la risoluziun ne sides nia otimala. Les fotos é gnüdes metüdes ite a cajo, nia dô la tlassifica.
Por odëi le regolamënt dl concurs de chësc ann drüca: Regulament_Concurs_2013.pdf
| Nater ann le tema prinzipal dl concurs 2014 é: "MOVIMëNT". |
|
