En sabeda ai 13 de novëmber él gnü tignì tl Istitut Ladin a San Martin la premiaziun dl concurs da fà jö cun le tema „Dolomites, patrimone dl Unesco“ y inauguré la mostra dal medemo titul, olache al é gnü metü fora i plü bi retrać che é gnüs menà ite dal concurs.

Sciöche bele da 15 agn incà, à le Fotoclub Val Badia inće por le 2010 metü a jì n concurs da fà jö, ćiaran de chirì fora na tematica atuala y che dess inće motivé i fotografs da se porvè y da fà jö cosses particolares.

In jöbia ai 09/09/2010 el Carlo Dapoz y Pire Ploner che organisëia na proieziun de foto. La proieziun mët man dales 20:30 jö San Martin tl Istitut Ladin.

Ai 26 de jügn dl 2009 é le Dolomites gnüdes detlarades ofizialmënter patrimone universal dl’umanité dal Unesco. La majera pert dla jënt vëiga chësc reconoscimënt sciöche na ocajiun por valorisé deplü le raiun, tres la creaziun de museums, posc d’osservaziun y istituziuns por l’inrescida scientifica. Important él dessigü ince che la jënt, chi da chilò y i foresc, impares da conësce tres deplü y damì les Dolomites, deache mâ dailò pòn les aprijé por le valur ch’ares à.